ஆயுளின் பாதியில்

உறக்கம் விழித்தவன் முகம் போல்
மனதில் திடீர் பயம்
தேள் கொட்டிய கால்கள் போல்
நடப்பதில் சிறு நடுக்கம்
யாக்கை பற்றி எரியும்
விழிகளும் உடன் சேர்ந்து கொள்ளும்
உச்சி முதல் பாதம் வரை
இரத்தத்தின் சீற்றம் அதிகரிக்கும்
குளிர்விக்க பொருள்கள் இருப்பினும்
தொடர் முயற்சி இல்லாமல் தோல்வியுறும்
எதிர் வரும் மனிதரை காண முடியாமல்
கண்கள் நாணி கடவுளை வேண்டும்
வீட்டுக்குள் முடங்கி இருந்தால்
பிம்பம் காட்டும் கண்ணாடி பயமுறுத்தும்

எது எப்படி இருப்பினும்
என்னவென்று ஆராய்ந்து பார்ப்பதற்குள்
ஆயுளில் பாதி முடிவுறும்
அதாவது
ஆயுளின் பாதியில் முடிவுதிரும்.